Circuitu d´artes escéniques

Braulio ye´l meyor magu del mundu, o, polo menos, eso ye lo qu´él piensa, pero... ¿quién somos nosotros pa facer que s´entere de la verdá? Asina ye muncho más prestoso, y, si supiera´l ridículu que ta faciendo, nun diba comportase como lo fai.

Un magu torpe y tan despistáu que nun se da cuenta de que los trucos-y salen de pura chorra. Agora, personaxe tan estrafalariu llega a la ciudá a facer el so espectáculu «pimpanudu», pero... ¿tendrá tanta suerte esta vez? ¡Ven a descubrilo!