Convocatoria pa la escoyeta de propuestes y programación de un circuito qu’ayude a la promoción y dinmazación de les artese escéniques y la música nel marcu de la Rede de Teatros y Auditorios del Principáu d’Asturies

29/09/2026.- La Sociedá Pública de Xestión y Promoción Turística y Cultural del Principáu d’Asturies promueve una convocatoria pa escoyer espectáculos de les disciplines d’artes escéniques y de música pa xenerar un catálogu dixital que se va poner a disposición de los conceyos que cunten cola infraestructura necesaria, p’axuntase a la Rede de Teatros y Auditorios del Principáu d’Asturies.

L’oxetu d’esta convocatoria ye la escoyeta de proyectos de les disciplines d’artes escéniques y de música pa la ellaboración del catálogu que valga como base pa la programación posterior nel marcu de la RETEA ente’l 18 d’avientu del 2026 y el 30 de xunu del 2027.

Con esta convocatoria establécense les bases y requisitos que van rexir el procedimientu pa la escoyeta de los espectáculos o actividaes que van integrar el catálogu dixital con respetu a los principios de publicidá, concurrencia llibre y oxetividá.

La documentación preciso ha presentase namás al traviés del rexistru creáu pa esi efectu, accesible al traviés de la URL https://panel.asturiesculturaenrede.es dende les 09:00 hores del día 29 de setiembre del 2026 hasta les 23:59 hores del día 13 d’ochobre del 2026.

Nun se van almitir propuestes que s’unvien al traviés d’otres canales.

La compañía, profesional, productora o distribuidora va poder ver tol tiempu nel so perfil la documentación presentao.

Desque remate’l plazu de solicitú, la plataforma va quedar inhabilitada pa realizar cualquier clas de cambéu na documentación presentao hasta que la convocatoria se resuelva. En casu d’incidencia técnica qu’imposibilite’l funcionamientu ordinariu de la plataforma, va poder alcordase una ampliación de los plazos non vencíos, publicándose la incidencia y, si ye’l casu, l’ampliación del plazu na sede/portal electrónicu correspondiente.

Descargar les bases completes equí.