XIRA DIDÁCTICA
La Xira Didáctica ye un proyectu de dinamización cultural y educativa pensada pal alumnáu de llingua asturiana y lliteratura y d’eonaviegu.
La Xira pon a disposición de los centros educativos asturianos una escoyeta d’actividaes culturales y educatives creaes pola industria cultural asturiana nes que les llingües vehiculares son l’asturianu o l’eonaviegu, pensaes pa unos rangos d’edá específicos. Estes actividaes preséntense en formatos artísticos variaos: arte dramáticu y música a lo primero, a los que se van dir incorporando, en convocatories vinientes, una variedá bien amplia de disciplines artístiques. Toes elles escoyéronse por combinar valores lúdicos y educacionales: conteníu educativu singular, valor artísticu notable y adecuación al públicu oxetivu.
La Xira Didáctica preséntase nun catálogu zarráu de propuestes culturales programaes en feches y llugares específicos de toa Asturies cola mira de que tola comunidá educativa tenga accesu a ella. Cada centru con alumnáu d’asturianu o d’eonaviegu va tener que valorar qué actividá o actividaes-y cuadren, pa lo que va tener que siguir les pautes pa solicitales.
Criterios de participación
• La participación nesti programa ye gratuita.
• Si fore necesario, cada centru va asumir los costos que pueda ocasionar desplazase hasta la sede onde se van facer les actividaes.
• Pa participar nesti proyectu ye menester formalizar una reserva. Ésta ha facese pol centru educativu de manera telemática unviando al corréu electrónicu la ficha de reserva.
• El plazu d’inscripción va ser del xueves 13 de marzu a les 9.30 al vienres 28 de marzu a les 14.30 hores.
• Desque se reciban toles solicitúes, les places van asignase según estos criterios:
1. Va tener prioridá l’alumnáu matriculao en Llingua Asturiana o n’Eonaviegu. Si quedare disponibilidá d’aforu, va dexase participar a otru alumnáu interesao.
2. En casu d’empate, va tenese en cuenta lo primero’l porcentaxe de matriculación n’asturianu del centru y lo segundo l’orde d’inscripción.
• En tolos casos les places han confirmase al traviés del corréu electrónicu facilitáu na tramitación de la reserva primero del vienres 4 d’abril.
• La participación nuna actividá distinta a la yá concedida va limitase a la disposición de places llibres depués del procesu d’asignación de toles primeres solicitúes realizaes polos centros.
Más información y reserves:
985 185 860 - 902 306 600
reservas@turismoycultura.asturias.es
Descargar el catálogo de propuestas
------
A Xira Didáctica é un proyecto de dinamización cultural y educativa pensada pral alumnao de llingua asturiana y lliteratura y d’eonaviego.
A Xira pon a disposición dos centros educativos asturianos úa escoyeta d’actividades culturales y educativas creadas pola industria cultural asturiana nas qu’as llinguas vehículares son el asturiano ou el eonaviego, pensadas para us rangos d’edá específicos. Estas actividades preséntanse en formatos artísticos variaos: arte dramático y música primeiro de nada, a os qu’han a irse incorporando, en convocatorias sucesivas, úa variedá amplia de disciplinas artísticas. Todas ellas escoyéronse por combinar valores lúdicos y educacionales: contido educativo singular, valía artística notable y adecuación al público obxetivo.
A Xira Didáctica preséntase nun catálogo pechao de propostas culturales programadas en fechas y llugares específicos de toda Asturias col obxeto de que toda a comunidá educativa teña acceso a ella. Cada centro con alumnao d’asturiano ou d’eonaviego ha a ter que valorar qué actividá ou actividades ye encaxan, pral qu’ha a ter que seguir as pautas prá súa solicitú.
Criterios de participación
• A participación neste programa é gratuíta.
• Se fora necesario, cada centro ha a asumir os costos que poda supoñer desprazarse hasta a sede unde s’han a fer as actividades.
• Pra participar neste proyecto é necesario formalizar úa reserva. Esta ha a realizarse por parte del centro educativo enviando al correo electrónico a ficha de reserva.
• El prazo d’inscripción ha a ser del xoves 13 de marzo ás 9.30 al venres 28 de marzo ás 14.30 horas.
• Desque se reciban todas as solicitudes, ha a ferse el asignación de prazas según estos criterios:
1. Ha a ter prioridá el alumnao matriculao en Llingua Asturiana ou en Eonaviego. Se quedara dispoñibilidá d’aforo, ha a deixarse participar a outro alumnao interesao.
2. Nel caso d’empate, ha a terse en conta primeiro el porcentaxe de matriculación en asturiano del centro y despóis el orde d’inscripción.
• En todos os casos as prazas han a confirmarse a través del correo electrónico facilitao na tramitación da reserva antias del venres 4 d’abril.
• A participación núa actividá ha a limitarse á disposición de prazas llibres despóis del proceso d’asignación de todas as primeiras solicitudes feitas polos centros.
Máis información y reservas:
985 185 860 - 902 306 600
reservas@turismoycultura.asturias.es
Descargar el catálogo de propostas