Un taller bien especial nel que non solo va facese un averamientu los testos al traviés de la so llectura, sinón qu’hai espaciu pa pensar coles manes.

Les llectures inclúin ficción, ensayo políticu y lliteratura científica, pero l’actividá nun se llimita al comentariu de los testos, sinón qu’abellúgase na creación testil pa xenerar un llugar seguru dende’l que pensar sobre posibles futuros. Emplégase una técnica testil cenciella, na que tan solo cola ayuda de les nueses manes vamos poder xenerar una gran pieza testil colectiva compuesta por formes blandies y flexibles que podríen asemeyar árboles o raíces aérees; esa viesca que se constrúi, en colectivu, dende’l pensamientu.

Esti “pensar coles manes” nun ye sinón una escusa p’activar el cuerpu, que tamién tien memoria, mientres se sigue la conversación empezada nes llectures.