¿Qué importancia tien escribir en 3.er o 1.er persona? ¿Pueden combinase dellos narradores nun rellatu? Esti taller d’escritura creativa céntrase na narrativa y nos tipos de narradores.

Les miraes distintes y los puntos de vista distintos otorguen perspectives diferentes, lo que da un calter distintu a cada rellatu. Por eso, cuanto meyor conozamos les claves pa escribir y cuntar dende la perspectiva, por exemplu, d’un narrador omnisciente, un narrador protagonista o un narrador testigu, más fácil va senos escoyer cómo xenerar na nuestra historia más oxetividá o más cercanía pa tresmitir a los y les llectores lo que queremos dicir.

Nesti taller va trabayase lleendo y escribiendo rellatos pa distinguir y comprender a fondu les otres miraes de los narradores, usando testos de los y les escritores conocíos y conocíes.