El Teatru de la Llaboral va acoyer la final del Premiu Camaretá al Meyor Cantar, un gallardón que cumple la decimosesta edición. 

El xuráu, presidíu pol director xeneral d’Acción Cultural y Normalización Llingüística, Antón García, va tar formáu pola cantante Alicia Álvarez, el periodista Xicu Ariza, la técnica de normalización llingüística Penélope Miranda, la filóloga y gaitera Andrea Joglar y la profesora Emma Posada. El xuráu va escoyer el cantar ganador depués de l’actuación de los finalistes nesta gala.

Los cuatro temes finalistes d’esta edición son:

• Odisea la nui de La Bonturné.
• Llobatu d’Héctor Braga.
• Contigo de Susana Gudín.
• Medrana a medrar de Ferla Megía.

Nesta gala tamién va actuar Vero Rubio, ganadora de la edición pasada, que va interpretar el tema premiáu Dixo miou padre y va presentar los temes nos que lleva trabayando esti últimu añu.

El Premiu Camaretá al Meyor Cantar, dotáu con 6.000 euros, ta convocáu pol Gobiernu del Principáu d’Asturies cola mira d’afianzar, prestixar y arriquecer la creación musical tanto n’asturianu como n’eonaviegu. Al premiu en metálico amiéstase la integración del artista ganador nel circuitu Autores nel Camín, col que se faen actuaciones pelos conceyos d’Asturies, amás de la producción d’un videoclip.

Más información equí