Bio
Sólo, el proyectu nuevu del perconocíu artista Alfredo González, ye la plasmación de lo
deprendío nun creador inéditu nel panorama d’anguaño. Ye “Sólo” (non “Solu”) con tilde, porque equival a solamente, porque ye únicu, y porque, anque ta en soledá, busca evitar ambigüedaes. Pero tamién ta solu, porque así lo decidió, porque los años lu llevaron a esa vida eremítica, a esta solitú buscada. En Sólo importa la música, pero más, sicasí, la lletra, la intención, la dirección del argumentu. Por eso ta apegáu a lo lliterario y por eso, en cada canción, hai una referencia a dalgún autor o autora ayenos a él.
Con una trayectoria de menos d’un añu y nun momentu d’ocultamientu, Sólo sal de la cueva pa presentase al Meyor Cantar con una canción basada nun par de versos de Lurdes Álvarez que pue presumir d’una fondura lliteraria y emocional nunca enantes realizada.
