La estrena d’Aida fíxose nel teatru nuevu de la ópera d’El Cairo’l 24 d’avientu de 1871.

Esta ópera de Verdi marca un finxu na historia musical italiana y ye’l cumal de la gran ópera d’estilu italianu, desenvuelta na base del modelu compositivu francés. Verdi compunxo una obra enllena de teatralidá, ambientada nel Exiptu faraónico, anque con un llibretu enllenu d’anacronismos y de socesos inverosímiles. Sicasí, los amores desgraciaos ente la princesa etíope y el capitán de la guardia exipcia cautivaron al públicu dende la so primer representación. La estrena en Milán tuvo sonadía, al empar que les representaciones que se fixeron en delles ciudaes italianes. La obra recibióse como una obra maestra, sicasí, los críticos quedaron decepcionaos con Aida, que-yos paeció un retrocesu na carrera del compositor y non la continuación de les conquistes algamaes de recién.