Daniel Fez considérase un influencer regulín. Nel so espectáculu vais poder escuchar de primeres cómo ye la so vida d’influencer. ¿Cómo-y va nel amor a Daniel? ¿Valdrán-y los videotutoriales que s’estudien? ¿Sacará la llibreta azul? ¿Dalgunu/a de vós tien dalgún conseyu pa él?

Nesta función vais poder ver un monólogu frescu, con muncha interacción col públicu y enllenu d’histories regulines.

Empezó a crear el so conteníu propiu na plataforma «Vine». Agora pueden vese los sos vídeos en TikTok, Instagram y Twitter. Él descríbese como Facedor de vídeos y coses d’eses.
Cunta con más de 1.7 millones de siguidores en TikTok, supera los 390 mil siguidores n’Instagram y tien más de 424 mil siguidores en Twitter.