Circuitu de lliteratura

La Otra ye un poemariu dedicáu a “toles otres muyeres del mundu” porque’l deséu de la poeta ye que colos sos versos veamos y escuchemos a LA OTRA, a LES OTRES y inclusive a la propia poeta, porque ella tamién ye LA OTRA. La Otra ye un cantu a la sororidá, un dar la mano y ponese nel pelleyu de les otres, toles muyeres del mundu, pero sobre manera les que nun tienen voz, les más indefenses, les neñes abusaes, les maltrataes, les desaposiaes.

L’espectáculu poéticu La Otra nun ye’l recital avezáu, sinón que ye “otra” clas de recital poéticu onde Ana Lamela Rey se convierte n’otra, tanto física como musicalmente falando. Pa eso l’autora usa la palabra, la música d’otres, la performance y la imaxe (vídeos).