Nun hai que dir lloñe pa buscar referentes femeninos. Aida Lafuente, Margarita Salas, Corín Tellado, les cigarreres, Xosefa Xovellanos, la Busdonga o Rosa Fernández son dalgunos de los nomes que formen esta selección de muyeres y colectivos que n’Asturies, dende delles árees y momentos históricos, contribuyeron colos sos llogros a facilitar el camín de la igualdá. Ensin el so inconformismu y la so valentía nun diba poder recuperase’l papel activu que-yos negaron bien de tiempu a les muyeres na sociedá.

Nuna charla amena y cómpliz, la periodista y escritora asturiana Alicia Álvarez, autora del llibru Asturianas, repasa les biografíes y llogros d’estes muyeres que participaron de manera fundamental na construcción de la nuestra historia dende Asturies.

La presentación acompáñase de la proyección de les ilustraciones de caúna de les protagonistes y colectivos, realizada pola artista asturiana María Ortiz Iglesias, tamién ilustradora del llibru Asturianas.