"La tía Carola yera una de tantes tíes qu’había nel pueblu... Pariente del tíu Feliz, que pasó media vida comiendo regaliz, y de la tía Fabra, que peles nueches berraba como una cabra, y del tíu Marcial, que tenía un pie n’España y otru en Portugal... La tía Carola marchó p’América montada nuna fola, dicen que si yera una bruxa, medio meiga... pero en verdá yera una muyer independiente, y una gran contadora d’hestories."

Lo que me contó la Tía Carola ye un espectáculu qu’atiende pa la violencia contra les muyeres dende diverses perspectives: el maltratu físicu, el psicolóxicu, l’alternativa del ecofeminismo y el cuestionamientu de la masculinidá. Siempres adaptáu a la capacidá intelectual y emocional de los más pequenos y pequenes.
Esta sesión de cuentos estrenóse un 25 de payares, Día Internacional de la Eliminación de la Violencia contra la Muyer.