Una propuesta escénica que describe una ciudá, Granada, per aciu los sos soníos, per aciu de los cantares que s’oyen nes sos cais. Una música que camuda coles estaciones, mesmo que camuden los colores, los golores o les costumes. Asina, l’autor empieza en payares y va pasando d’estación n’estación y describiendo los cambeos qu’esperimenta la ciudá y cómo pue identificase la época del añu polo que s’oi cantar na ciudá. La conferencia va siendo interrumpida por cantares que, nel so momentu, yeren tocaos al pianu y interpretaos pol mesmu Lorca.