Cantata n’estilu neo-barrocu compuesta en 1987 por Mento Hevia, consta de 6 pieces cantaes y 7 instrumentales. Estrenada en 1990 nun únicu conciertu, col sofitu del Conservatoriu E.M.Torner d’Uviéu, col patrociniu de la Conseyería de Cultura y el Muséu Barjola de Xixón, pol Ensame Astur de Cámara, integráu pa la ocasión, por alumnos avanzaos de los conservatorios d’Uviéu y Avilés y dirixíu por José Antonio Merino, profesor del Conservatoriu d’Uviéu.

Re-estrénase nuna versión actualizada y adaptada pa les característiques sonores de la Orquesta Céltica Asturiana, cuntando coles voces de Vanessa del Riego y Gonzalo Quirós.