Misterios del Mar ye una obra teatral de formatu pequenu que somorguia a los espectadores nuna aventura enllena d’emociones. Too entama col naufraxu de dos pirates bien peculiares, que’l so destín llévalos a compartir col públicu unes lleendes antigües de los mares.

La brava capitana Barbacoa va dir desvelando los conocimientos y secretos que los neños y neñes necesiten saber pa xunise a la so tripulación y fuxir de la islla na que tán atrapaos. Con un ritmu vertixinosu, la obra somorguia al públicu infantil y adultu nun espectáculu cargáu d’emoción, dexando qu’esfruten xuntos de la esperiencia.