Conciertu de seronda ye’l soníu de la tierra moyada y el cruxir de les fueyes seques. Ye la música del vientu llibre qu’improvisa’l so cantar. Ye’l chisporrotiar del fueu nel llar y la danza del agua tres de los cristales. Ye la sidra y la castaña. Ye’l viaxe sonoru de los nuesos sentíos escontra l’interior.

Un espectáculu interactivu y sorprendente, interpretáu y guiáu por una violinista y una chelista, especialistes en música pa la primer infancia. Una esperiencia estética de calidá que tola familia va disfrutar.