Dormiyosos estructúrase como una Instalación Escénica ensin palabres onde l’espectador pue debalar, observar, reaccionar, recordar, conocer...

Los nuesos personaxes, a mediu camín ente animales (dalgunos de los más reconocibles de la fauna cantábrica: asturcón, gallu montés, osu y curcuspín) y seres humanos, aicionen oficios inspiraos en dellos otros más tradicionales (ferreros, cesteros, acebacheros,  madreñeros...) nun espaciu onde’l suañu entemezse cola realidá, faciendo güecu a la fantasía. Vistíos con elementos inspiraos na indumentaria tradicional y calzaos con unes madreñes que, mesmo que los zapatos coloraos de Dorothy n’El Magu de Oz, van facer que percuerran el camín ente l’alcordanza, los suaños y la realidá.