Un día cualquiera sales a dar un paséu, y por casualidá, atopes a daquién pela cai que ta empuxando’l so carromatu; de sópitu, bailla, o llanza una pompa.

Hasta qu’apara. Y nunos minutos monta’l so escenariu y escomienza l’espectáculu...

A lo llargo de los 30 minutos siguientes, esti personaxe va realizar un espectáculu de pompes de xabón que tovía nun ta escritu.

Esti artista tan peculiar va dexar que seya l’azar el que decida cómo sigue’l so espectáculu. El públicu va ser quien eche un gabitu pa determinar qué camín sigue esta representación. En dalgunos casos con una moneda xigante, n’otros con un duelu a piedra papel o tisoria, o quiciás un dadu, van ser les maneres nes qu’esti espectáculu va dir avanzando.

Pompes con una cafetera, o taces qu’echen espluma y pompes de fueu; pompes a 4 manes, o ¿quiciás a 8? Too esto y muncho más va decidilo l’Azar... Too depende...

Y cuando esti personaxe acaba, recueye les coses y marcha col carru a otra parte. Hasta que, de sutrucu, apara. Monta’l so escenariu y vuelta a empezar.

N’Azar, cada espectáculu ye diferente, porque too depende del públicu, too depende de la suerte.

¿Qué dices? ¿Echámoslo a suertes?