Adientrámonos nel universu de Pessoa acompañaos por ella, una de les sos protagonistes principales: Ofelia Queiroz. La muyer que salvó al poeta de l’autodestrucción, cunta cómo foi’l so amor incomprensible y somórguianos, al traviés de la so mirada y los sos recuerdos, neses vides y visiones múltiples que vivió Fernando. Un repasu a la trayectoria, la obra y los secretos más escondíos del autor portugués, dende la mirada femenina del que foi’l so únicu amor y acompañáu polos sos heterónimos fieles. Un viaxe de lluces, solombres, imáxenes y desdoblamientos imposibles. Un fadu portugués señardosu y catárticu al interior de la mente humana. Una señardá, un recuerdu, una tristura, un abrazu, un besu, una ausencia… Saudade.