Indianápolis fala sobre la emigración masiva que se dio a últimos del sieglu XIX y primeros del XX nel oriente d’Asturies.

La intérprete, acompañada de música en directo, narra les peripecies d’un home qu’embarca pa fuxir de les penuries del so pueblu y buscar un futuru meyor, pero qu’acaba llegando a un llugar bien raru.

Al traviés de los sos güeyos vamos dir descubriendo la so aventura y, sobre manera, vamos conocer esi final menos reparador y tamién menos reconocíu de los llamaos «indianos de la maleta al agua».