Les inscripciones pa los centros van tar abiertes del 13 al 28 de marzu, con places limitaes pa cada espectáculu

12/03/2025.- Los directores xenerales d’Acción Cultural y Normalización Llingüística, Antón García, y d’Inclusión Educativa y Ordenación, David Artime,presentaron esti mediudía la Xira Didáctica, una iniciativa destinada al alumnáu d’asturianu y d’eonaviegu que va ufiertar actividaes culturales en dellos conceyos d’Asturies, empobinaes a les etapes de Primaria, Secundaria y Bachilleratu.

Los siete espectáculos programaos nesta primer convocatoria de la Xira Didáctica tán creaos por artistes y compañíes del Principáu y, nellos, les llingües vehiculares son l’asturianu y l’eonaviegu. En toles propuestes combínase un conteníu educativu singular y empobináu a rangos d’edá específicos cola calidá artística y adecuación al so públicu oxetivu. Les artes escéniques y la música van centrar les propuestes pa los meses vinientes y ta previsto que s’incorpore una variedá amplia de disciplines artístiques en convocatories socesives.

El Gobiernu d’Asturies, al traviés de les conseyeríes mentaes, recupera cola Xira Didáctica la esencia del proyectu Axenda Didáctica, que tuvo un siguimientu masivu a lo llargo de los sos años d’implantación con decenes d’actividaes de dellos sectores artísticos, mui esperaes polos centros escolares.

Agora, frutu de la collaboración ente Cultura y Educación, ufiértense conteníos fuera de la programación escolar pa fomentar la normalización y la promoción social del asturianu y del eonaviegu. El programa de la Xira Didáctica p’abril, mayu y xunu incluye la representación de:

• La neña de les trences al revés d’El Callejón del Gato, el 24 d’abril na Casa la Cultura de Cangues d’Onís.
• Formigues d’Elektra Fiktion, el 14 de mayu nel Teatru Municipal de Samartín del Rei Aurelio.
• Kikirikikí. Canciones pa neñes y neños d’Alicia Álvarez, el 15 de mayu nel Teatru Riera de Villaviciosa
• Les rellaciones peligroses de Factoría Norte, el 19 de mayu na Casa la Cultura de Ribeseya.
• El Gorrumbu de Saltantes Teatro, el 3 de xunu na Casa la Cultura de La Pola Siero.
• Amanda y les castañes máxiques, d’Ambigú Media, el 3 de xunu nel Teatru Toreno de Cangas del Narcea.
• As galochas baleiras de Carlos Alba, el 4 de xunu nel Auditoriu Félix Menéndez d’A Veiga.

Les actividaes d’esti programa son gratuites, garantizando asina los derechos culturales en llingües propies de la comunidá educativa. Los centros namás van tener qu’asumir los gastos de desplazamientu hasta’l sitiu onde se fai l’actividá, nel casu de que fore menester.

Les places son limitaes y pue consultase’l procedimientu pa realizar la inscripción, amás de los criterios pa participar en www.asturiesculturaenrede.com o en www.educastur.es. El plazu d’inscripción pa sumase a la Xira Didáctica empieza’l 13 de marzu a les 09.30 hores y remata’l 28 de marzu a les 14.30 hores.

Esta Xira Didáctica enmárcase nes iniciatives impulsaes pol Gobiernu del Principáu pa fomentar la enseñanza, l’usu y la promoción del asturianu y l’eonaviegu nes aules. Otres midíes qu’acreíten esi compromisu firme son la inclusión, a partir de setiembre, de la llingua asturiana nel segundu ciclu d’Infantil o nes Escueles Oficiales d’Idiomes; la presencia nos premios estraordinarios, la so valoración como méritu computable nes oposiciones o’l futuru sellu d’escelencia Llume.

----

Cultura y Educación poin en marcha a Xira Didáctica con actividades pral alumnao en asturiano y en eonaviego

As inscripcióis pra os centros han a tar abertas del 13 al 28 de marzo, con prazas limitadas pra cada espectáculo

12/03/2025.- Os directores xenerales d’Acción Cultural y Normalización Llingüística, Antón García, y d’Inclusión Educativa y Ordenación, David Artime, presentaron este mediodía a Xira Didáctica, úa iniciativa destinada al alumnao en asturiano y en eonaviego qu’ha a ofrecer actividades culturales en dalgús conceyos d’Asturias, dirixidas ás etapas de Primaria, Secundaria y Bachillerato.

Os sete espectáculos programaos nesta primeira convocatoria da Xira Didáctica tán creaos por artistas y compañías del Principao y, nellos, as llinguas vehiculares son el asturiano y el eonaviego. En todas as propostas combínase un contido educativo singular y orientao a rangos d’edá específicos cua calidá artística y adecuación al sou público obxetivo. As artes escénicas y a música han a centrar as propostas pra os meses que vein y ta previsto que s’incorpore úa variedá amplia de disciplinas artísticas en convocatorias sucesivas.

El Goberno d’Asturias, al través das conseyeirías citadas, recupera cua Xira Didáctica a esencia del proyecto Axenda Didáctica, que tuvo un seguimento masivo al llargo dos sous anos d’implantación con docías d’actividades de diferentes sectores artísticos, mui esperadas polos centros escolares.

Agora, fruto da colaboración entre Cultura y Educación, ofértanse contidos fóra da programación escolar pra fomentar a normalización y a promoción social del asturiano y del eonaviego. El programa da Xira Didáctica pr’abril, mayo y xunio incluye a representación de:

• La neña de les trences al revés d’El Callejón del Gato, el 24 d’abril na Casa de Cultura de Cangues d’Onís.
• Formigues d’Elektra Fiktion, el 14 de mayo nel Teatro Municipal de Samartín del Rei Aurelio.
• Kikirikikí. Canciones pa neñes y neños d’Alicia Álvarez, el 15 de mayo nel Teatro Riera de Villaviciosa.
• Les rellaciones peligroses de Factoría Norte, el 19 de mayo na Casa de Cultura de Ribeseya.
• El Gorrumbu de Saltantes Teatro, el 3 de xunio na Casa de Cultura de La Pola Siero.
• Amanda y les castañes máxiques, el 3 de xunio nel Teatro Toreno de Cangas del Narcea.
• As galochas baleiras de Carlos Alba, el 4 de xunio nel Auditorio Félix Menéndez da Veiga.

As actividades d’este programa son gratuítas, garantizando así os deretos culturales en llinguas propias da comunidá educativa. Os centros namáis han a ter qu’asumir os gastos de desprazamento hasta el sito unde se realiza el actividá, nel caso de que fora necesario.

As prazas son limitadas y pódese consultar el procedemento pra realizar a inscripción, ademáis dos criterios pra participar en www.asturiesculturaenrede.com ou en www.educastur.es. El prazo d’inscripción pra sumarse á Xira Didáctica empeza el 13 de marzo ás 09.30 horas y acaba el 28 de marzo ás 14.30 horas.

Esta Xira Didáctica enmárcase nas iniciativas impulsadas pol Goberno del Principao pra fomentar el enseño, el uso y a promoción del asturiano y el eonaviego nas aulas. Outras medidas qu’acreditan ese compromiso firme son a inclusión, a partir de setembre, da llingua asturiana nel segundo ciclo d’Infantil ou nas Escolas Oficiales d’Idiomas; a presencia nos premios estraordinarios, a súa valoración como mérito computable nas oposicióis ou a futura marca d’escelencia Llume.