Dos actrices narradores y manipuladores van conducir l’actividá al traviés de dos personaxes.

Amanda, futbolista, y Yolanda, llectora, son dos amigues que se reúnen el Día del Llibru pa investigar sobre’l so orixe. Nesi momentu decátense de que malpenes hai figures femenines reseñables y deciden entós afondar na historia, descubriendo un mundu diferente al que-yos cuntaren hasta agora.

Un cuntacuentos divulgativu narráu de forma prestosa, onde’l protagonismu ye pa les muyeres que cambiaron la historia col so puxu, el so talentu, los sos estudios y el so bon facer. Una forma de visibilizar a filósofes, escritores, científiques, actrices, polítiques, aviadores y otres profesionales de dómines variaes qu’influyeron considerablemente nel tiempu que-yos tocó vivir y que tuvieron un papel fundamental nel desenvolvimientu de los acontecimientos posteriores.