La esposición ta formada por una serie de semeyes escultóriques de persones con malformación facial o corporal seya por xenética o conxénita, creaos dende´l convencimientu de la importancia del Ser independientemente del so aspectu. Un trabayu conxuntu ente medicina, ciencia y arte.

Les semeyes en relieve altu tán realizaes en materiales diferentes: madera, bronce y alabastru pa crear sensaciones y emociones diferentes.

Marta Fresneda (Sevilla, 1984), residente en Florencia, ye llicenciada en Belles Artes pola Universidá de Sevilla y especializóse n´escultura na Accademia delle Belle Arti, de Florencia.

Dende´l 2005 participa en munchos simposios y esposiciones d´escultura, abriéndose camín non solo n´Italia, tamién en Dinamarca, Suiza, Portugal y Francia. Fresneda tien munches obres en colecciones tanto públiques como privaes.

Foi premiada en bien de certámenes d´arte como´l Certame de pintura y escultura Antonio López 2022 o nel Premiu Internazionale di Scultura Gabbioneta de Milán, ente otros.