YsOU Chamber Music LAB ye un proyectu de cooperación europea ente Creaio y la Orquesta Sinfónica Moza d´Ucraína pa promover la paz, empoderar a artistes mozos y fomentar la cooperación cultural internacional al traviés de la música. El proyectu confinanciólu la Unión Europea.

Nel marcu del proyectu, Creaio entama´l taller colectivu de musicoterapia coles mires d´empoderar, reconstruyir y ameyorar el bienestar físicu y mental de los sos participantes. L´actividá cunta cola participación de la Orquesta Sinfónica Moza d´Ucraína y diríxese principalmente a músicos, artistes y persones desplazaes pola guerra.