Dende avientu del 2008, el Mercáu d´arte y diseñu axunta a un grupu curiosu de creadores, diseñadores y editores independientes. L´oxetivu d´esta actividá ye dar a conocer les actividaes rellacionaes col diseñu y la creación que se desenvuelven en Xixón y Asturies, amás de n’otres comunidaes cercanes.

LABShop nun ye namás un gran escaparate o un mercáu de diseñu, ye un escenariu abiertu a la creatividá que val de conexón ente tolos participantes pa fomentar la so unión y fortalecer l´alcuentru colos medios de comunicación, los creadores de tendencies y la industria del sector.