Circuitu Autores nel camín 2024

Dolfo Camilo Díaz recibió nel 2023 el Premiu Pachín de Melás de textos teatrales cola obra Flashback.

Dolfo Camilo Díaz (Caborana, 1963) ye dramaturgu y escritor. Foi cuatro veces gallardonáu col Premiu Xosefa Xovellanos de Novela n’asturianu (con Añada pa un güeyu muertu, Diariu de viaxe, Imago y Advenimientu), dos veces col Premiu Montesín de Novela Xuvenil n’asturianu (con Khaos y Memorial del monstru) y col María Josefa Canellada de Lliteratura Infantil y Xuvenil con La Mar. Nel ámbitu teatral, ye fundador, director y actor de les compañíes de teatru Guaxa, Güestia y Grupu de Teatru Universitariu Amorecer. Tien estrenaes una ventena d’obres al cargu de compañíes como Margen, Higiénico Papel o Nun Tris, amás de les compañíes propies. Tien publicaes siete obres de teatru, de les que destaquen País, Psicokiller o Nueche. Ye creador de la Colección Mázcara de Teatru de l’Academia de la Llingua Asturiana.