La Nueche Blanca ye una iniciativa cultural creada en París nel añu 2002 y qu’estendió’l so gran éxitu a otres capitales y ciudaes del planeta qu’entamen la so propia Nueche Blanca inspirándose nel modelu orixinal de la capital francesa. El propósitu d’esta actividá ye averar la creación artística contemporánea, los llinguaxes artísticos nuevos y la cultura en toles sos disciplines a los ciudadanos de toles edaes. Los oxetivos comunes de toles Nueches Blanques del planeta son: gratuidá, innovación, visión europea, vanguardia, participación ciudadana, tresversalidá y sostenibilidá.

Amás, la Nueche Blanca fomenta l’intercambéu d’esperiencies col desenvolvimientu de programes conxuntos y la internacionalización d’artistes locales pente medies l’intercambéu de propuestes, amás del usu d’espacios accesibles difícilmente o d’accesu acutáu’l restu del añu.

N’Uviéu, la Nueche Blanca celébrase dende l’añu 2013, polo que’l 5 d’ochobre del 2024 va celebrase la decimosegunda edición.