¿Quién nun tien dalgún recuerdu vinculáu a ún de los cantares de Mocedades o Los Panchos? ¿Qué te paez velos xuntos en directo?
Mocedades y Los Panchos preséntennos el so espectáculu nuevu, La Magia de las Voces, col qu’arriquecen los sos yá bien conocíos repertorios incorporando cantares nuevos. Y ye que bien poques veces pue disfrutase de dos artistes d’esta talla nun mesmu escenariu, realizando caún una parte y xuntándose depués pa rematar una nueche inolvidable.

Mocedades nació na ciudá de Bilbao, a últimos de la década de los años sesenta. Fundaron el grupu les hermanes Uranga dientro d’una familia numberosa cargada d’un talentu musical bien grande y que xunto a otros amigos crearon el grupu vocal más importante del mundu de fala hispana. Izaskun Uranga, fundadora del grupu, ye la única integrante que permaneció de manera ininterrumpida dende la so fundación hasta anguaño. Tienen más de 30 discos nel mercáu y siguen grabando los sos grandes éxitos xunto a artistes de talla mundial y producíos por Jacobo Calderón, fíu del so padre musical, Juan Carlos Calderón.

Mocedades ta festexando los sos más de 50 años xunto al tríu Los Panchos, representaos pola so primer voz, Rafael Basurto Lara. Ellos son un referente mundial del boleru y la balada romántica.
Les primeres feches que yá compartieron foron un éxitu total, enllenando recintos en Bilbao, Murcia y San Sebastián en territoriu español, o en delles ciudaes de Mexico y Estaos Uníos.