Apocalípticamente correcto ye’l show nuevu de Luis Piedrahita, un monólogu enllenu d’inxeniu y humor nel qu’analiza qué ye eso de la llibertá. Piedrahita investiga nesti espectáculu la falta de sentíu y les contradicciones de la nuestra vida cotidiana, cola mira d’averiguar, d’una vez por toes, de qué ta fecha la llibertá y pa qué val.

El ser humanu siempre quier facer lo que-y peta, pero ¿ye eso posible? ¿Pue ser llibre o’l so destín ta yá escritu y nun pue cambiase? Luis analiza con ironía l’horóscopu, que ye la prueba incontestable de que’l nuestru destín ta escritu nes estrelles, y les autocaravanes camperizaes, que simbolicen la llibertá y son la prueba de que’l nuestru destín namás ta escritu nos mapes de carreteres y na sección d’ufiertes de Leroy Merlin.

Amás, va cuestionar delles verdaes asumíes pola nuestra sociedá, como la existencia de les anguiles eléctriques o les tormentes. Y naide pue dici-y nada, porque Piedrahita fai esto namás por una razón, pol motivu más noble qu’existe: porque-y da pola gana.