La vida de Carmen Díez de Rivera foi tan escepcional que tien paralelismos coles traxedies griegues, como Antígona o Ariadna. Nacida nunes circunstancies familiares rocambolesques, dientro de lo más selecto de l’aristocracia española, arrenunció a los privilexos de clas y llegó a algamar un puestu que nenguna muyer desempeñó nesti país: xefa del Gabinete de la Presidencia del Gobiernu.

Y fíxolo nún de los periodos más complexos y intensos de la historia d’España: la transición. Lluchó, davezu sola, contra too y contra toos. Posesora d’una voluntá firme y una mirada intelixente, tuvo siempre el propósitu de guiar al so país escontra la democracia. La so fuercia y determín nesti cometíu públicu nun casen cola so incapacidá pa llograr la paz interior, rota dende la so adolescencia por un secretu familiar que foi pa ella un supliciu.

Nel escenariu, Carmen va esbillando los momentos más intensos de la so carrera política al tiempu que recuerda los episodios íntimos que marcaron la so infelicidá y la so forma de ser. Pela so memoria y pelos nuestros güeyos van pasar dalgunos de los personaxes más importantes de la nuestra historia.