Lucía Alonso Pardo y Jacobo Cano formen el dúu Música de Sofá, presencia habitual nos eventos y la televisión asturiana.

Con la mira de recuperar cantares que formaben parte de les nuestres sobremeses y celebraciones y meciendo estilos, époques, idiomes y ritmos, crearon esti proyectu musical qu’atesora una trayectoria bien dilatada.

El repertoriu quier ser variáu y curiáu, poniendo l’atención n’artistes y temes que nun avecen a interpretase a menudo, pero con un filu común: la so calidá.

Nesta ocasión suménse al so sofá particular los ritmos del percusionista Pevida.

En fin, un viaxe musical que va percorrer países, mecer estilos y va facer al espectador alcordase de melodíes que creyía escaecíes, col ambiente distendíu de les sobremeses en familia.