D´itinerarios pel Patrimoniu: Peñamelleres
El Valle Altu de Peñamellera, 26/10/2024 09:00
Museos y Equipamientos
Places escoses
Fecha: 26 d´ochobre 2024
Horariu de salida: 9:00 h. Llegada calculada: 19:00 h.
Puntu d’alcuentru: Cai Mendizábal, énte’l Teatru Filarmónica d´Uviéu.
Recomendaciones: calzáu zarrao o bota de monte, ropa cómodo, cayáu, agua, crema solar y picnic pa xinta.
Preciu: 20 €. Públicu infantil entre 4 y 11 años, grupos de más de 10 persones, Pasaporte Cultural y Club Cultura Asturies: 18 €.
La nuestra primer posa van ser les murueques de San Pedro de Plecín y la ilesia de San Pedro d’Alles, n’El Valle Altu de Peñamellera. Vamos siguir camín de Trescares pa parar delantre d’El Puente de La Vidre, quiciabes d’orixe romanu y parte d’un ramal d’El Ríu Deva y El Ríu Cares, la famosa Vía Marítima d’Agripa. Depués de xintar en Panes vamos visitar La Sauceda de Buelles, a la ribera d’El Ríu Deva, y vamos continuar camín d’El Valle Baju de Peñamellera, siguiendo’l calce d’El Ríu Cares, pa poder apreciar la guapura de la ponte vieya de Robriguero y terminar cola visita de la ilesia románica de San Xuan de Ciliergo.
