Inaugúrase una esposición de los artistes ganadores del LIII Certame Nacional d’Arte de L.luarca 2022: Tete Alejandre (Premiu Conceyu de Valdés, 2022) y Leonor Solans (Premiu Fundación Caxa Rural d’Asturies, 2022).

L’estremeñu Tete Alejandre ye’l ganador del premiu Conceyu de Valdés pola so obra Gold. Trátase d’una obra n’impresión giclée con tintes pigmentaes sobre papel baritáu que muestra la potencia creativa d’un artista visual y sociólogu al que siempre-y interesó "xuntar dambes facetes al traviés de la Street Photography y la revisión de la fotografía clásica, con una necesidá de cuntar acullá de lo cotidiano. Nes sos obres intenta combinar "la fuercia y el mensaxe de la fotografía cola potencia plástica de lo fotografiao gracies a la xeometría y el color".

El premiu de la Fundación Caxa Rural d’Asturies foi pa la obra Elvira entre flamencos, de Leonor Solans. Un oleu sobre llinu firmáu por una sevillana (1980) criada y formada en Granada, con bien d’esposiciones individuales y colectives al llombu.