Les bodes de Fígaro ye una de les óperes más emblemátiques del repertoriu. Brahms faló d’ella como un milagru y los quexíos de la Condesa tovía resuenen güei como una de les páxines musicales más esgarradores. Al recuperar la comedia de Beaumarchais, que foi l’orixe d’un escándalu que conmovió a tola sociedá parisina, Mozart y Da Ponte aseguraron l’éxitu de la so obra, qu’inclusive la prohibió Xosé II en 1785 nel Teatru de Viena. ¿Da quiciabes demasiada lluz sobre les contradicciones d’un réxime yá vacilante, a puntu d’esbarrumbar cola Revolución francesa?

La producción nueva de Netia Jones caltién la esencia mesma de la obra de Beaumarchais, mentes esplora con humor, non llibre de picardía, les rellaciones humanes, nuna producción que confunde la realidá y la ficción. Como’l Conde, ún entrúgase: ¿Tamos representando una comedia?.