Esta esposición ufierta la oportunidá d’adientrase nel mundu particular d’ún de los creadores más singulares del sieglu pasáu, Salvador Dalí. Tamos énte un conxuntu de más de cien obres que nos averen al so universu únicu, enllenu d’imáxenes oníriques que desenvolvió nes sos facetes como ilustrador y dibuxante.

Ye a partir de los años trenta cuando na obra de Dalí empiecen a garrar importancia les ilustraciones, imprescindibles cuando queremos conocer fondamente la capacidá creativa del artista, como observamos nesta esposición al traviés de grandes llibros a los que punxo imáxenes, como La Divina Comedia, La vida es sueño, Roi, je t’attends à Babylone, y Fausto, La noche de Walpurgis.

Dientro d’esta escoyeta podemos destacar los dibuxos que fixo pa Don Juan Tenorio, que nos confirmen la pasión que llegó a sentir pol teatru y polos grandes clásicos de la lliteratura española. Y ye que nun díbemos poder entender la trayectoria d’esti creador tan polifacéticu ensin la importancia de tolos llibros ilustraos que desenvolvió, lo que lu convirtió nun grabador espertu que dominaba técniques como la puntaseca, l’aguafuerte o la xilografía.

Rutes interpretatives de esta muestra:

Domingos 26 de marzu, 9 d’abril, Selmana Santa, 30 d’abril, 14 de mayu, 28 de mayu, 4 de xunu y 18 de xunu, toes a les 11:30 de la mañana, van buscar metese nel mundu tan particular d’ún de los creadores más singulares del sieglu pasáu, Salvador Dalí. El 9 d´abril habrá otra ruta a les 12:30 h.

Cola collaboración de: