Circuitu de lliteratura

Walt Whitman ye’l padre de la lliteratura estauniense contemporánia  (xeneración beat y siguientes), y marca en bona midida tamién al conxuntu de la poesía contemporánia iberoamericana del sieglu XX (con Borges, Pessoa  y Lorca incluyíos nel algame de la so poderosa influencia).

L’atlantismu americanu decimonónicu de Walt Whitman; tola so poética d’un mundiu tradicional que fina pa dar pasu al plenu capitalismu; tol poder d’una naturaleza de mar y monte sacralizada; tola esperanza d’una democracia, llibertá ya identidá que xorrecen pese a los pilancos propios de la Historia… Too ello hermana al so universu cantáu col nuestru propiu atlantismu asturianu del sieglu XX.