Una Visita Animada que t’avera al teatru de solombres. Nella vas ver títeres tradicionales de solombres de China, India, Indonesia, Turquía, Grecia... y tamién actuales, d’espectáculos de dalgunes compañíes asturianes: Luz, micro y punto; Turnebís del Tribilín; Quiquilimón y Tragaluz.

Va tiempu, les figures pal teatru de solombres facíense con pelleyu d’animales diferentes. Depués, tamién se fixeron con planches de cartón o metal, y, más recién, úsense delles clases de plásticu.

En dalgunos países d’Asia, les representaciones tradicionales de solombres taben rellacionaes con temátiques relixoses. Col pasu del tiempu, los titiriteros foron añadiendo al repertoriu otres obres d’entretenimientu.

Ven a conocer esta clas de títeres y saber cómo s’animen de la mano del maestru titiriteru, que tamién va convidate a que pruebes la to maña como solombrista. Amás, vas poder ver otros títeres del mundu.

Una visita pa toles edaes.