La mirada serena de Carlos Cánovas (Albacete, 1951) llega a la Sala de Fotografía del Centru Niemeyer con cuasi un centenar d’obres feches a lo llargo de más de cuarenta años. Esta esposición va ufiertar al públicu asturianu’l so trabayu fotográficu sobre’l mundu vexetal en cinco series d’imáxenes: Plantas dolientes, Para una pared, Vida secreta, Paisajes recónditos y Naturaleza y control.

La muestra Plantas y circunstancias recueye les sos semeyes rellacionaes col mundu vexetal neses cinco series, que garren dende primeros de los años ochenta hasta esti mesmu añu 2022.