La mitoloxía ye un conxuntu d’hestories propies d’una relixón o cultura, como pue ser la cultura asturiana. Hestories que falen de personaxes fantásticos y misteriosos, coles que d’antiguo intentábase dar esplicación a coses incomprensibles, socesos que los habitantes de los pueblos y aldees nun podíen desplicase sinón al traviés d’estos seres mitolóxicos y lleendes. Ye una gran suerte qu’inspiraos polos nueses magnífiques viesques, les nueses regueres, los nuesos montes y cueves, los nuesos antepasaos suañaren y recrearen estos seres tan máxicos y interesantes.

Con esti cuntacuentos vamos conocer meyor a la Xana, el Trasgu, el Cuélebre y el Nuberu, cola intención de qu’ello inspírenos pa esfrutar la nuesa Asturies y suañala enllena d’hestories y seres maraviyosos.