Circuitu de música

Emilio Menéndez, tenor (Avilés, 1958), ye ún de los cantantes llíricos de canción asturiana más importantes de la escena de la nuestra rexón. Con cuatro discos nel so haber, ta consideráu como el "principal mantenedor" de la canción tradicional d’Avilés, forxada na canción marinera y na Danza Prima. Los sos discos, que pasaron de los dos millares de copies vendíes, foron grabaciones con homenaxes a compositores y músicos asturianos como José León Delestal, Alfonso Sánchez Peña, Gonzalo Casielles Camblor, Jesús Muñiz "El perlito", Falo Moro, Antolín de la Fuente, Cástor Álvarez, etc.

Nesti espectáculu, Emilio Menéndez fai repasu a cuasi un sieglu de cantares y vezos asturianos, que resume nun total de 30 obres.