Un proyectu de Javier Bejarano y Ibai Etxezagarra.

Hai horizontes que refuguen les pallabres. A cencielles, nun esisten espresiones nin enunciaos completos capaces d’esplicar la polifonía de ciertes xeomorfoloxíes y, menos tovía, d’atender con claridá abonda pa la intensidá y el magnetismu vivíos por quienes les contemplen. Son estos paraxes los que faen necesario considerar una xeografía humanística. Esti territoriu inapalpable ente la xeografía y la emoción ye al empar fonte d’inspiración, motivu de fondura y garantía del equilibriu ente la determinación y la incertidume.

Mientres ventiún díes d’espedición n’autosuficiencia percorriendo’l glaciar del Baltoro (Pakistán) a temperatures perbaxo de los 20 °C baxo cero y una altitú de 5500 metros, dambos autores proponen un diálogu internu dende’l que crear una cartografía emocional y un mapeáu astractu d’aquello que se presenta énte los sos güeyos y que-yos solmena les conciencies, tentando de prindar n’imáxenes y soníos lo que, d’otra manera, quiciabes resultaría a cencielles inabarcable.

The Third Man ye un proyectu fotográficu-sonoru conformáu por 50 obres y grabaciones de campu realizaes polos artistes Javier Bejarano y Ibai Etxezagarra, comisariáu por Isabel Hernández.