Na escuridá de la mina, a munchos metros de fondura, trabayaben los nuesos antepasaos con ferramientes y vistimientes típiques asturianes yá casi cayíes en desusu; demientres s’esfollaben les panoyes cantábense cantares que falaben de cómo se vivía de la ganadería, l’agricultura y la pesca; pa les nueves xeneraciones too ello son hestories enforma llonxanes.

Nesti taller queremos remembrar aquelles vivencies al traviés de les artes plástiques y les artes escéniques: teatru con técnica de lluz negro basáu na tradición asturiana de los oficios y costumes de la nuesa tierra. Una oportunidá de da-y color y rellumu a tol nuesu pasáu.