Ismael María González Arias recibió nel 2024 el Premiu Xosefa Xovellanos de novela n’asturianu cola obra 1664/1665.

Ismael María González Arias (Mieres del Camín, 1958) ye escritor y productor musical, y foi bien de tiempu’l director de la Casa la Cultura Teodoro Cuesta de Mieres del Camín. Ente la so producción lliteraria pueden nomase les obres coles que ganó los premios Máximo Fuertes Acevedo d’Ensayu (L’Asturianada, 1998), María Josefa Canellada de Lliteratura Infantil y Xuvenil (Les puertes del paraísu, 2009) o’l propiu Xosefa Xovellanos, que ya llogró otres dos veces (El cuartu negociu, 1992; En busca de Xovellanos, 2005). Nel 2009 llevó también el Premiu de la Crítica d’Asturies.