La Banda Gaites El Gumial ye una formación de gaites asturianes y percusión que tien por oxetivu l´espardimientu de la música y cultura tradicional d´Asturies. L´Asociación Cultural Banda Gaites El Gumial ñaz nel 2012 con dellos oxetivos. Ente los más destacaos atópense los de dar a conocer la cultura y la música tradicional ayerana y asturiana, y la formación de nuevos músicos, en distintes disciplines, al traviés de la Escuela de Música Tradicional El Gumial, onde se formen cada añu más de 80 persones de toles edaes.