A partir de la célebre frase “En un lugar de la Mancha…” , la pieza propón una esploración contemporánea sobre la memoria, la imaxinación y el sentíu de los rellatos. Dos intérpretes traten de recordar l’entamu d’una hestoria que se borró del tiempu. Nesi intentu, reconstrúin un “llugar” que podría ser cualquier sitiu: una aldea despoblada, un teatru vacíu o la cabeza d’un llocu.

L’espectáculu entemez teatru, narración oral y acción poética. Los intérpretes alternen ente’l xuegu escénicu, la pallabra viva y la evocación d’hestories que ñacen y desapaecen énte’l públicu. El proyectu parte del humor y la cenciellez pa reflexonar sobre cómo la ficción — como nel Quixote — sálvanos del escaezu y caltiénnos humanos.