Un proyectu de: Nicolás Cancio.

Sonata berlinesa ye un proyectu fotográficu que reflexa’l paisaxe social de la ciudá de Berlín —motor políticu d’Europa dende l’españíu de la gran crisis económica—, mostrando cómo los eventos sociales se reflexen nes muries y el so diálogu coles buelgues del pasáu, tovía visibles.

Estes semeyes son el resultáu de dellos viaxes a lo llargo de la última década, un periodu de gran tresformación pa tol continente, que valió pa cimentar el lideralgu de la capital alemana como cabeza política. Evitando rexistros espectaculares pero esprimiendo los depósitos que dexaron el tiempu y los seres que per ella transitaron, muéstranos los indicios de lo que va ser el nuesu futuru: gris y prietu. Con lluces pero con solombres abondes.