Espectáculu de medianu formatu que consiste principalmente nuna dramaturxa al rodiu del tema de la sidra con dellos elementos escénicos entemecíos, como poemes, cancios, música, danza, etc. onde la cultura sidrera ye lo que los enxareta. Amás de la dramaturxa, camiéntase trabayar delles secuencies de danza pa illustrar les fases estremaes del procesu d’ellaboración de la sidra, que van valir de cadarma: pañáu, escoyeta, mayáu, prensa, trasiegu, corcháu, etc.

En tou casu, la idea nun ye facer un homenaxe de calter festivu a cencielles; dientro de la dramaturxa tamién hai sitiu pal tastu amargu.