El Teatru de la Llaboral va acoyer la final del II Premiu “Obdulia Álvarez” “La Busdonga” d’Asturianada.

El nome d’Obdulia Álvarez Díaz, conocida como “La Busdonga”, ye’l escoyíu pa esti certame col propósitu de facer homenaxe a la trayectoria d’una muyer que nel sieglu XX destacó pol so talentu musical escepcional. La so habilidá vocal sigue siendo anguaño una fonte d’inspiración pa munches intérpretes.

El concursu va desenvolvese en 3 semifinales y una final:

• Semifinal del 5 d’ochobre a les 12:00 hores, nel Auditoriu Teodoro Cuesta de Mieres del Camín. Cola actuación de Cristina Sánchez y María Luisa Martínez na categoría femenina, Isaac Sierra y Valentín García na categoría masculina y Jairo Pérez y Bárbara Riesco na categoría moza.

• Semifinal del 19 d’ochobre a les 12:00 hores, nel Teatru Riera de Villaviciosa. Cola actuación de Lorena Corripio y Maribel Morán na categoría femenina, Esteban Verdeja y Manuel Roza na categoría masculina y Lucía Fernández y Néstor Díaz na categoría moza.

• Semifinal del 26 d’ochobre a les 12:00 hores, nel Teatru Filarmónica d’Uviéu. Cola actuación de Alicia Villanueva y María Latores na categoría femenina, César González y Raúl Díaz na categoría masculina y Marina Carbajosa y Mario González na categoría moza.

• Final del 28 de payares a les 19:00 hores, nel Teatru de la Llaboral Ciudad de la Cultura de Xixón.