Teo un Atrapacuentos, qu’atrapa los cuentos que preciso pa cada momentu. Cuando toi triste, atrapa una hestoria que sácame una sorrisa. Cuando toi cuntenta, alcuentro nél una hestoria que la mio allegría aumenta. Si nun sé qué facer, de xuru qu’atopo un cuentu pa guiame… Pero lo meyor, ye que non solo apaña cuentos pa min. L’Atrapacuentos atopa hestories pa la mio madre, pal mio pá, pal mio güelu, pa la mio tía, pa ti o pa la mio vecina.

L’Atrapacuentos ye como una caxa de sorpreses, o de bombones, una caxa enllena de puertes y caxones, nun ye tan grande, pero asegúrote que vas atopar dientro… ¡Montoneres de cuentos! ¿Quies saber cuál ye’l tuyu?