El príncipe Alí Atar ye una de les figures importantes nes navidaes asturianes: como mensaxeru de los Reyes Magos a estes tierres, ye l’encargáu de garrar les cartes de les neñes y los neños, amás d’entruga-yos pol so comportamientu.

L’actividá consiste nun cuentacuentos, onde Alí Atar va cuntar dalgunes de los sos peripecies xunto a les Sos Maxestaes d’Oriente: los sos oríxenes, les aventures en países estraños y, incluso, el descubrimientu d’un cuartu rei magu escaecíu nel tiempu. 

De secute, pasará a recibir les cartes del públicu asistente y escuchar los deseyos de les neñes y los neños.